免水洗車知多D (1)

洗車,就係追求車身表面的潔淨。

香港99.9%車主都利用傳統洗車方法,即:
沖水->上洗車梘水->過水->抺乾
整個過程有快有慢,不過一般來講1小時走唔甩。

香港停車場好多無水喉,通風又差,所以幾錫車都係假手於人。
有無諗過可以免水洗車(或稱無水洗車)?或曰:一早知啦!洗車臘水嘛!一來唔乾淨,二來刮花車身!

相對傳統洗車的4部曲,免水洗車只有兩步:
噴洗車水->抺乾
所以一定快,一般15分鐘搞掂。

但一直以來,第一方法唔得,第二工具唔得,第三產品唔得,所以效果唔好,一直無人用。

超微纖毛巾及免水洗車液 免水洗車3寶: 超微纖毛巾, 免水洗車液, 同埋你的技巧!

入正題,先講方法。車面於路上行,表面有好多沙泥。免水洗車液噴完用毛巾一捽,正!磨晒沙!XD 所以免水洗車一定不能捽。
正確手法係先將毛巾摺細。噴上洗車水後輕抺,一邊抺一邊將污糟部分摺起。這樣沙泥就唔會捽返落車面。
美光美國總壇有位專家Michael Stoops 提出一個使用免水洗車液的方法, 我個人測試後認為非常有效.

1. 先將一幅車身噴至微濕, 濕度為剛見有水珠即可;

 

噴至剛見水珠 噴上免水洗車液, 至剛見水珠即可

2. 將毛巾摺細, 輕輕抹車身一下;

將毛巾摺細 將毛巾摺細. 例如16" x 16" 的Nice Car 超微纖毛巾的話, 對摺再對摺剛剛好.
將毛巾前緣輕抹車身 將毛巾前緣輕抹車身

 

3. 看到毛巾上有一條灰黑色的痕嗎? 是你車身上的泥塵! 千萬唔可以再用呢部分再抹車身, 否則有機會刮花;
4. 用仍然乾淨的部分, 再抹車身, 又有一條灰黑色的痕, 再摺起;
5. 最後你會有一條斑馬一樣的毛巾, 這時反出毛巾的乾淨面, 繼續抹;

斑馬條紋的髒毛巾 使用相同面的不同部分抹車身, 最後污物形成斑馬一樣的線條

6. 當此幅車身抹乾淨後, 再反出另一個乾淨面, 輕輕再抹一次, 把車身擦亮.
7. 重覆1-6以清潔下一幅車身

此套步驟背後的理論係抹到毛巾上的泥塵會被收在毛巾裏面, 不會再碰到車身, 所以並不會導致比傳統洗車更多的刮花. 不過, 這樣洗車會乾淨嗎? 會! 但工具必需適合, 及免水洗車液必需有效.

請看看用免水洗車液抹淨髒車身的示範

再講工具. 大家洗車用的毛巾, 常見用"祝君早安", 爛T-shirt, 甚至有見過用五金舖買用來抹天那水的布碎. 如果你是租別人車的的士司機, 或者殘舊貨van, 可以理解; 但你自己的愛車值得你投資多一點去買更有效的毛巾. 免水洗車用的毛巾更是3大重點之一.

超微纖毛巾是近年被認為較適合作為汽車美容的毛巾(詳情看這裏). 免水洗車的話, 我個人必定用軟身, 長毛的超微纖毛巾. 軟身毛巾較不會損傷車身, 而長毛於抹車身時有效藏起泥塵, 否則車身又磨沙啦! 重要的是超微纖毛巾的清潔能力比一般綿質毛巾更高.

軟身長毛的超微纖毛巾 軟身長毛的超微纖毛巾

免水洗車將車身上所有的污物都抹到毛巾上, 之後並不會重覆使用; 所以, 請確定有足夠的乾淨毛巾備用. 我的Honda Jazz 是較小巧的車, 一般需要4-6條毛巾作一次免水洗車. 如果車很髒, 最高紀錄試過要用9條 (未計玻璃).

最後要講產品. 免水洗車液的原理很簡單, 基本上必需有介面活性劑 + 潤滑劑, 然後按各家的需要再添加光亮劑, 保護劑等成分. 對於車身的清潔, 介面活性劑很重要. 免水洗車液噴到車身上, 介面性劑會將黏住的污物浮起, 然後當你用毛巾輕抹時, 污物就到了毛巾之上. 當你的毛巾在車身上抹時, 潤滑劑減低毛巾和車身的磨擦, 減低刮花的機會.

Ultima 免水洗車液 (Ultima Waterless Wash) Ultima 免水洗車液 (Ultima Waterless Wash)

市面上的Quick Detailer (或稱護理噴霧) 都話可以清除輕微泥塵, 咁同免水洗車液分別在哪? Quick Detailer 其實裏面大部份是水. 就拿美光的Quick Detailer 來說, 他們的MSDS (Material Safety Data Sheet) 明確表示 70-90% 是水, 而其他成分從字面或其特性來看, 都不是介面活性劑; 即是說, 此Quick Detailer 的清潔成分來自水, Quick Detailer 的清潔能力不會比水高. Quick Detailer 與水的分別, 主要是車身光亮/保護成分, 市面上較好的免水洗車液都有添加了. 我個人看法是今時今日Quick Detailer 的功能已經被免水洗車液取代了.

免水洗車知多d (2)

美光Quick Detailer 美光Quick Detailer

9 thoughts on “免水洗車知多D (1)”

  • 點都係用傳統方法好啲

    Reply
  • 幾時先有新post? 等到頸都長.

    Reply
  • 見價錢唔算貴,買左一支試用。 效果唔錯,最重要係, 我老婆無變成花面貓 。放係車度,除雀屎一流!

    Reply
  • http://www.uwants.com/viewthread.php?tid=16865048&extra=page%3D2
    請指教-點樣抺得甩!!

    Reply
    • admin

      看圖片感覺上是刮花了. 建議致電我們, 確定師傳值班時過來和他談談!

      Reply
  • 同all purpose auto cleaner 有咩分別, 功能一樣價錢差幾廿倍

    Reply
    • admin

      All purpose cleaner 是英文名, 香港人俗稱藍威寶(X威寶系列太深入民心, 情況同即食面俗稱公仔面一樣).
      藍威寶類的產品普遍車主都知道不能用於洗車, 因為: (1) 強鹼性,會洗走車蠟 (2) 無潤滑,較易刮花.

      好的免水洗車液, (1) 中性,溫和, 清潔劑易抺走, 不用過水 (2) 潤滑度高, 減低刮花機會 (3) 有保護物料, 如Ultima 免水洗車液, 便有Polycharger 可幫車身輕輕打一個蠟.

      Reply
    • admin

      價錢方面, Ultima 免水洗車液$2洗一次車, 仲平過坊間洗車梘水! 開水喉洗車的話, 如果水費要自付, 應該都多於$2 了 :)

      Reply
留言